कांग्रेसबाट मन्त्रीमा दीपक गिरि कन्फर्म

संबाददाता : Samaj Khabar प्रकाशित मिति: १६ श्रावण २०७३, आईतवार ०२:५२

काठमाडौं । माओवादी केन्द्रका अध्यक्ष पुष्पकमल दाहाल नेतृत्वमा बन्न लागेको नयाँ सरकारमा मन्त्री बन्न कांग्रेसभित्र दौडधुप चलिरहेको छ । नयाँ सरकारमा कांग्रेसले पाउने १३ मन्त्रालयमा मन्त्री र राज्यमन्त्री बन्न सांसदहरुको सक्रियता बढेको हो ।

कांग्रेसबाट मन्त्री बन्न कस्सिएकाहरु मध्ये दीपक गिरि त्यस्ता नेता हुन् जसको नाममा लगभग सर्वसहमति भइसकेको छ । सुशील कोइराला नेतृत्वको सरकारमै मन्त्री बन्न लागेका गिरिले पार्टीभित्रको समीकरण मिलाउनका लागि कोइरालाकै अनुरोधमा त्याग गरेका थिए । पार्टीभित्र महामन्त्री डा.शशांक कोइरालासंग निकै निकट सम्बन्ध रहेका गिरि दाङको ५ नम्बर निर्वाचन क्षेत्रबाट प्रत्यक्ष निर्वाचित सांसद हुन् । पाँच नम्बर प्रदेशबाटै लोकप्रिय मत ल्याएर कांग्रेस केन्द्रीय सदस्यमा निर्वाचित भएका गिरिले अघिल्लो कार्यसमितिमा रहँदा निर्माण व्यवसायी समन्वय विभाग सफल रुपमा चलाएका थिए । सो क्रममा उनले निर्माण व्यवसायी महासंघमा लोकतान्त्रिक नेतृत्व स्थापित गर्न महत्वपूर्ण भूमिका खेलेको बताइन्छ ।

गिरिलाई वरिष्ठ नेता रामचन्द्र पौडेल पक्षले मन्त्रीका लागि सिफारिस गर्दैछन् ।  भौतिक पूर्वाधार तथा यातायात मन्त्रीका आकांक्षी रहेका गिरीले मन्त्री बन्ने कन्र्फम भएपछि आफू निकटकाहरुसंग प्रभावकारी काम कसरी गर्ने भन्नेमा छलफल थालेका छन् ।

सभापति देउवा, वरिष्ठ नेता पौडेल र महामन्त्री कोइरालाको सर्वसहमतिमा भावी सरकारमा मन्त्री हुने गिरी एकमात्रै मन्त्री हुँदैछन् । विमलेन्द्र निधिले भौतिक पूर्वाधार मन्त्रालय नलिएको अवस्थामा गिरीले नै सो मन्त्रालय सम्हाल्नेछने । गठबन्धनमा अरु कुनै दलले सो मन्त्रालय पाएमा शहरी विकास, शान्ति तथा पुनर्निर्माण वा उद्योग मन्त्रीमा गिरीको सम्भावना रहेको छ ।

(Visited 5,904 times, 1 visits today)

१६ श्रावण २०७३, आईतवार ०२:५२ मा प्रकाशित

Popular Posts