उदयको पक्षमा उर्लियो जनलहर, जनताले भने ‘भावी अर्थमन्त्री’

संबाददाता : Samaj Khabar
प्रकाशित मिति: ९ मंसिर २०७४, शनिबार ११:४५

ललितपुर । नेपाली कांग्रेसका युवा नेता एवं ललितपुर क्षेत्र नम्बर १ का प्रतिनिधिसभा सदस्य उम्मेदवार उदयशमशेर राणाको पक्षमा ललितपुर को ग्रामीण क्षेत्रमा जनलहर उर्लिएको छ ।

ललितपुरको महाकाँल गाउँपालिकाको गोटिखेलमा आयोजित चुनावी सभामा सहभागी भएर हजारौ मतदाताले लोकतान्त्रिक गठबन्धनका पक्षमा आफूलाई उभ्याएका छन् ।


सभाका क्रममा ललितपुरका विभिन्न राजनीतिक दलमा आबद्ध रहेका दलका प्रभावशाली नेताहरु नेपाली कांग्रेसमा प्रवेश गरेका छन् ।

उदय शमशेरलाई समर्थन गर्दै २ सय बढी एमाले– माओवादी कार्यकर्ताहरु पनि कांग्रेसमा प्रवेश गरेका छन् । नेकपा क्रान्तिकारी माओवादीका प्रदेश सभाका समानुपातिक सांसद उम्मेदवार अरुण केसी पनि नेपाली कांग्रेसमा प्रवेश गरे । नेपाली कांग्रेस निर्वाचन परिचालन समितिका संयोजक बालकृष्ण खाँड र उम्मेदवार उदय शमशेरले उनीहरुलाई कांग्रेसमा स्वागत गरे ।

हजारौं स्थानीयको उपस्थितिमा गोटीखेलमा पहिलो पटक सभा भएको हो । स्थानीयले अहिलेसम्म कुनै पार्टीले गोटिखेलमा त्यति विशाल सभा नभएको बताए । अर्थ राज्यमन्त्री समेत रहेका उदय शमशेरलाई ‘भावी अर्थमन्त्री’ र ‘विकासका संवाहक’ का रुपमा प्रस्तुत गर्दै मतदाताले उत्साह थपिदिएका छन् ।

(Visited 1 times, 1 visits today)

९ मंसिर २०७४, शनिबार ११:४५ मा प्रकाशित