बैठक बस्नसमेत नसकेपछि एमाले माओवादी एकता अनिश्चित

संबाददाता : Samaj Khabar प्रकाशित मिति: १८ पुष २०७४, मंगलवार ०१:०७

काठमाडौं । नेकपा एमाले र नेकपा माओवादी केन्द्रबीच प्रतिनिधि सभा र प्रदेश सभा निर्वाचनको लागि गठवन्धन बन्यो। गठवन्धन घोषणाहुँदा दुई पार्टीबीच निर्वाचन पछि एकता हुने समेत घोषणा भयो। दोस्रो चरणको निर्वाचन सम्पन्न भएको झण्डै एक महिना पुग्न लाग्दासम्म एकताको प्रक्रिया अघि बढ्न सकेको छैन। एकताको बारे दुई पार्टीका नेताहरुले बेला बेलामा गर्ने टिप्पणीले वाम राजनीति तात्ने गरेको छ।

पछिल्लो पटक नेकपा एमालेका अध्यक्ष केपी शर्मा ओली र माओवादी केन्द्रका अध्यक्ष पुष्पकमल दाहालबीच बालकोटमा ‘वान अन वान’ वार्ता भयो। बुधबार दिउँसो दुई नेताबीच भएको वार्तापछि पार्टी एकता संयोजन समितिको बैठक बस्ने भनिए पनि त्यो अझै सम्म बस्न सकेको छैन।

पार्टी एकता संयोजन समितिको बैठक एक दुई दिनमै बस्ने माओवादी नेता तथा संयोजन समितिका सदस्य नारायणकाजी श्रेष्ठले बताए। ‘संयोजन समितिको बैठक एक/दुई दिनमै बस्छ’, उनले भने, ‘शीर्ष नेताहरुबीच कुराकानी भएपछि बैठक बस्छौं।’

शनिबार एमाले उपाध्यक्ष वामदेव गौतमको पुस्तक विमोचनमा ओली र दाहालले एउटा संशय व्यक्त गरे, ‘वाम एकता तोड्ने प्रयास हुँदैछ।’ कार्यक्रममा अध्यक्ष ओलीले भने, ‘एकतामा ढिलाई भए पनि वाम सरकार बन्छ।’

वुधबारको बैठकमा नेताहरुले १/२ दिनमै पार्टी एकता संयोजन समितिको बैठक बस्ने भने पनि त्यो बस्न सकेन। शनिबारसम्म आइपुग्दा नेताहरुको उक्त भनाई सार्वजनिक भयो।

राजनीतिक वातावरण सहज बनाएर एकता प्रक्रियमालाई अघि बढाउनेमा शीर्ष नेताहरु रहेकोले एकता प्रक्रियामा ढिलाई भएको एमालेका एक नेताले बताए।

संयोजन समितिमा दुई पार्टी कै शीर्ष नेताहरु छन्। ओली र दाहाल नै समितिमा भएको र बैठक बोलाउने जिम्मेवारी पनि उनीहरुकै भएको समितिका अन्य सदस्यको बुझाई रहेको छ।

असोज १७ गते सभागृहभा देखिएको भाव निर्वाचन पछि तुरुन्तै पार्टी एकता हुने देखिए पनि घटनाक्रमले यसमा सुस्तता ल्याएका छन्। पछिल्लो पटक कार्तिकमा वामदेव गौतमको निवासमा पार्टी एकता संयोजन समितिको बैठक बसेको थियो।

(Visited 1 times, 1 visits today)

१८ पुष २०७४, मंगलवार ०१:०७ मा प्रकाशित

मूल खबर

सबै

बद्री पाण्डे राष्ट्रिसभा सासंद बन्ने पक्का

काठमाडौं । काँग्रेसले प्रदेश ७ बाट राष्ट्रिय सभा सदस्य निर्वाचनका उम्मेदवारको नाम टुंगो लगाएको छ । सोमबार बसेको बैठकले प्रदेश ७ बाट उम्मेदवारी दिने चार जनाको नाम टुंगो लगाएको छ । बैठकले प्रदेश ७ बाट बद्री.....

हलेसीधामबाट देउवा विरुद्ध यस्तो निर्णय !

खोटाङ। नेपाली काँग्रेसका जिल्ला सभापतिहरुले सभापतिहरुको राष्ट्रिय भेला र पार्टी महासमिति बैठक तत्काल बोलाउन.....

सिद्धान्त नमिले एमालेसंग एकता गरिन्न : शक्ति बस्नेत

काठमाडौं । नेकपा माओवादीका केन्द्रका नेता शक्तिबहादुर बस्नेतलेतत्काल पार्टी एकता गरेर नयाँ कम्युनिष्ट.....

आज सरस्वती पूजा, यसरी मनाउनु उपयुक्त

काठमाडौं । आज सरस्वती पूजाको दिन हो । सरकारले आजको दिन शैक्षिक संस्थाहरुमा विदा दिएको छ । सरस्वती ज्ञान-विज्ञान,.....

किम जोङ उनले किन बोलाए प्रचण्डलाई ?

काठमाडौं । नेपालका लागि उत्तर कोरियाका राजदूत किम योङ हाकले पूर्व प्रधानमन्त्री एवं माओवादी केन्द्रका अध्यक्ष.....

Popular Posts