यस्तो सुविधासम्पन्न बन्दैछ वीर अस्पताल…

संबाददाता : Samaj Khabar प्रकाशित मिति: २५ फाल्गुन २०७४, शुक्रबार ०६:४६

काठमाडौं ।  प्रधानमन्त्री केपी शर्मा ओलीले वीर अस्पतालमा बन्न लागेको भवनको शिलान्यास गरेका छन्। देशकै जेठो वीर अस्पताललाई आधुनिक र सुविधा सम्पन्न बनाउने योजना अनुसार नयाँ भवन निर्माणको काम अगाडि बढेको हो।

प्रधानमन्त्री ओलीले शिलान्यास गरेको भवन तीन वर्षभित्र निर्माण भइसक्नेछ। उक्त भवनमा ६ सय ५० शय्या हनेछ। अस्पतालको आकस्मिक कक्षअगाडि रहेको क्वार्टर र नर्सिङ भवन भत्काएर खाली बनाइएको स्थानमा भवन बन्नेछ।

चिकित्सा विज्ञान राष्ट्रिय प्रतिष्ठान (न्याम्स) ले भवन निर्माणका लागि बोलपत्र स्विकृत गरिसकेको छ। भवन जेडआइइसी–शर्मा–रसुवा जेभी’ नामक कम्पनीले निर्माण गर्नेछ।

भवन निर्माणका लागि २ अर्ब ३४ लाख ७२ हजार ९ सय पन्चानब्बे रुपैयाँ खर्च हुनेछ। यो रकम मूल्य अभिबृद्धि कर बाहेकको हो।

बहुवर्षीय योजना अनुसार उक्त भवन निर्माणको काम अगाडि बढाइएको हो। भवन तीन वर्षभित्रमा बनिसक्ने योजना छ। दुई तला भूमिगत पार्किङ र जमिनमाथि ७ तला रहने उक्त भवनलाई वीर अस्पतालको सर्जिकल भवन नाम दिइएको छ।

उक्त कम्प्लेक्समा १५ वटा मेजर शल्यकक्ष, २० वटा सर्जिकल आइसियु, ३० वटा पोष्टअप वार्ड रहनेछन्। यसका साथै आधुनिक उपकरणहरु पेटस्क्यान, एमआरआई, सिटीस्क्यान लगायतका सेवा समेत हुनेछन्।

यस्तो हुनेछ भवन-

(Visited 1 times, 1 visits today)

२५ फाल्गुन २०७४, शुक्रबार ०६:४६ मा प्रकाशित

शीर्ष खबर

सबै

बढ्दो धर्मान्तरबारे प्रथम राष्ट्रपति यादवको चिन्ता

काठमाडौं ।  गणतन्त्र नेपालका प्रथम राष्ट्रपति डा रामवरण यादवले राष्ट्रिय एकता बलियो बनाउन र मुलुकका समस्या समाधान गर्न संविधानको कार्यान्वयन आवश्यक रहेकोा बताउनुभएको छ ।  नेपाली काङ्ग्रेसका वरिष्ठ नेता.....

जनकपुर आउन पाउँदा धन्य छु : मुख्यमन्त्री योगी

धनुषा । भारतको उत्तर प्रदेशका मुख्यमन्त्री योगी आदित्यनाथले जनपुरधाम आउन पाउँदा धन्य भएको बताएका छन्। विवाह.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

Popular Posts