आर्मी झापा गोल्डकपको फाइनलमा

संबाददाता : Samaj Khabar प्रकाशित मिति: २८ फाल्गुन २०७४, सोमबार ०२:०२

झापा गोल्डकपको फाइनलमा प्रवेश गरेसँगै त्रिभुवन आर्मी क्लबले उपाधिका लागि आयोजक टोली झापा ११ सँग खेल्ने तय गरेको छ। शनिबार दोस्रो सेमिफाइनल खेलमा मनाङक मस्र्याङदी क्लबलाई १–० गोलअन्तरले हराउँदै आर्मी दोस्रोपटक फाइनल पुग्यो। झापाको भने तेस्रो फाइनल हुनेछ। आर्मीको जितमा राष्ट्रिय टोलीका स्ट्राइकर नवयुग श्रेष्ठको एकमात्र गोल निर्णायक बन्यो। नवयुगले खेल शुरु भएको दोस्रो मिनेटमै गरेको गोल नै आर्मीलाई फाइनल पुग्न पर्याप्त भएको थियो। नवयुगले पोस्टको दायाँ बार च्याप्दै गरेको बलले जाली चुमेको थियो। डिफेन्डिङ च्याम्पियन मनाङ मस्र्याङदीका लागि यस पटक सेमिफाइनलबाटै घर फर्किन बाध्य भयो।

आर्मीले गोल हुने केही अवसर गुमाएको थियो। ४५औं मिनेटमा मनाङका सबै खेलाडी बिट भइसकेको अवस्थामा आर्मीका टंक बस्नेतले गोल गर्न सकेनन्। गोलकिपर दिनेश थापा मगरलाई क्रस गरेर प्रहार भएको बल पोस्ट नजिकैबाट बाहिरिएको थियो। नवयुगले २ पटक मनाङका सबै खेलाडी अगाडि बढेको अवस्थामा पाएको अवसरसमेत खेर फालेका थिए।

यस्तै तीन विदेशी खेलाडीसहित मैदानमा उत्रिएको मनाङका लागि १० मिनेटमा भिक्टोरले गरेको प्रहार पोस्टमा लागेर फर्किएको थियो। २४औं मिनेटमा सुजल श्रेष्ठले गरेको क्रसमा बिमल रानाले डि बक्सबाट फितलो प्रहार गर्न पुगे। ५९औं मिनेटमा विशाल राइको क्रसमा अञ्जन विष्टले गरेको हेडर आर्मीका गोलरक्षक बिकेश कुथुले पन्च गरेर बाहिर फ्याँकिदिएका थिए। कुथुले म्यान अफ द म्याच घोषित हुँदै नगद २५ हजार रूपियाँ पुरस्कार प्राप्त गरेका थिए।

(Visited 1 times, 1 visits today)

२८ फाल्गुन २०७४, सोमबार ०२:०२ मा प्रकाशित

शीर्ष खबर

सबै

बजेटका कमजोरी लुकाउन नेकपाका सांसदलाई ह्वीप !

काठमाडौं । प्रधानमन्त्री एवम् नेपाल कम्युनिष्ट पार्टीका अध्यक्ष केपी शर्मा ओलीले सरकारी ढुकुटी बलियो नभएको अवस्थामा बजेट ल्याइएकाले त्यस मर्मलाई बुझेर प्रस्तुत हुन पार्टीका सांसदलाई निर्देशन दिएका छन्.....

अरुण तेस्रोको सुरुङ खन्ने क्रममा चार जनाको मृत्यु

संखुवासभा । अरुण तेस्रोको सुरुङ खन्ने क्रममा संखुवासभाको मकालु गाउँपालिकाको फ्याक्सिन्दामा चार जना कामदारको.....

संविधान संशोधन नभएसम्म सरकारमा जान्नौँ : महतो

लहान । राष्ट्रिय जनता पार्टी नेपाल अध्यक्षमण्डलका सदस्य राजेन्द्र महतोले संविधान संशोधन नभएसम्म आफ्नो दल.....

स्पेन–पोर्चुगल बराबर, रोनाल्डोको ह्याट्रिक

मस्को । - २०१८ फिफा विश्वकपको समूह 'बी' को खेलमा स्पेन र पोर्चुगलले ३-३ गोलको बराबरी खेल्दै अंक बाढेका छन्।.....

तालिवान प्रमुख नेता फाज्लुल्लाह अफगानिस्तानमा मारिए

काबुल । पाकिस्तानका तालिवान नेता मुल्लाह फाज्लुल्लाह अफगानिस्तानमा मारिएका छन् । अफगानिस्तानको कुन्नर.....

Popular Posts