वाम एकता नाटक मात्रै

संबाददाता : Samaj Khabar प्रकाशित मिति: ५ बैशाख २०७५, बुधबार ०५:५८

काठमाण्डौ,५ बैशाख ।

नेकपा एमाले र माओवादी केन्द्रबीचको वाम एकता नाटक मञ्चन जस्तै भएको जनगुनासो ब्याप्त हुन थालेको छ । चुनावी स्वार्थको लागी शुरु भएको वाम एकता अभियान अन्तत हराएर जाने सम्भावना बढेको छ ।

वैशाख ९ गते हुने भनिएको पार्टी एकता पनी टरेको छ। मंगलबार बसेको पार्टी एकता संयोजन समितिको बैठकमा ‘विवादित’ विषयहरुलाई टुंगो लगाउन नसक्दा पार्टी एकता ९ गतेलाई टरेको हो।

मंगलबार बसेको बैठकपछि सञ्चारकर्मीमाझ एमालेका महासचिव तथा रक्षामन्त्री ईश्वर पोखरेलले दुई पार्टीबीच एकताका विषयमा कुनै पनि विवादित विषय नभएको दाबी गरे। तर, पनि एकता ९ गते हुन नसक्ने स्पष्ट संकेत दिए।

उनकै शब्दमा भन्ने हो भने पनि पार्टी एकताका लागि ‘केही विषयहरु’मा फाइनल टच दिन बाँकी छ। दुई पार्टीबीच एकताका लागि गठन भएका दुई कार्यदलले बुझाएका मस्यौदामा नेपाल कम्युनिष्ट पार्टीको स्थापना दिवसको दिन वैशाख ९ गते पार्टी एकता गर्न सुझाब दिएका थिए।

कार्यदलले बुझाएका प्रतिवेदनमा विवादित भनिएका विषयहरु ‘जनयुद्ध’, चुनाब चिन्ह र आधा आधा’ले एकता प्रक्रियालाई लम्बाउँदै लगेको हो। दुई दलले यस विषयमा आफ्ना आफ्नै अडान राख्दै आएका छन्।

माओवादीले राजनीतिक प्रतिवेदन तथा पार्टीको विधान प्रस्तावनामा ‘जनयुद्ध’ सामावेश गर्नुपर्ने अडान राख्दै आएको छ। त्यस्तै चुनाव चिन्हमा ‘हसिया हतौडा’लाई समेत समावेश गर्नुपर्ने अडान राख्दै आएको छ।

सोमबारमात्र माओवादी निकट युवाहरुले अध्यक्ष प्रचण्डलाई भेट गरी ‘जनयुद्ध’ पार्टीको प्रतिवेदन तथा विधानको प्रस्तावमा समावेश गर्नुपर्ने दबाब दिएका थिए।

सबैभन्दा पेचिलो ‘विवाद’ एमाले महासचिव पोखरेलको शब्दमा ‘फाइनल टच’ दिन बाँकी विषय भनेको ‘फिप्टी–फिप्टी’ हो। माओवादी केन्द्रले पार्टी एकता समानताका आधारमा हुनुपर्ने बताउँदै आएको छ।

अध्यक्ष प्रचण्डलाई पार्टी भित्रैबाट पनि यस विषयमा दबाब परिरहेको छ। पार्टीका दोस्रो तहका नेताहरु एकता पछि आफ्नो स्थान कहाँ भन्ने विषय प्रचण्डसँग पुर्यााइरहेका छन्। प्रचण्ड आफै पनि पार्टी एकता पछि पार्टीको शक्तिशाली अध्यक्ष बन्न चाहन्छन्।

पार्टी एकतापछि हुने पहिलो महाधिवेशनपछि सहमतिमा शक्तिशाली अध्यक्ष हुन चाहन्छन् प्रचण्ड। तर, प्रचण्ड सहमतिमा अध्यक्ष हुने बाटो जटिल बन्दै गए पछि एकता पनि टाढिएको विश्लेषण गरिएको छ।

माओवादी नेतृत्वले पार्टी एकता ‘सम्मानजनक’ हुनुपर्ने बताउँदै आएका छ। ‘एकता हुँदा सम्मानजनक हुनुपर्छ,’ माओवादी केन्द्रका एक कार्यालय सदस्यले भने, ‘यो संख्या पनि हो। एमालेसँग एकता हुने हो माओवादी एमालेमा विलय हुने होइन। सम्मानजनक सहभागिता नभए एकता हुन सक्दैन।’

 

(Visited 1 times, 1 visits today)

५ बैशाख २०७५, बुधबार ०५:५८ मा प्रकाशित

शीर्ष खबर

सबै

आजबाट मलमास सुरु, यी काम झुक्किएन पनि नगर्नुहोला !

काठमाडौं । जेठ २ गते अर्थात आजबाट मलमास अर्थात पुरुषोत्तम मास सुरु भएको छ । अब अधिकमास? के–के गर्न हुँदैन ? यस्ता जनजिज्ञासाहरू यत्रतत्र सुनिन थालेका छन् । आखिर के हो त अधिकमास ? कुनै कुनै वर्षहरूमा अधिकमास किन.....

कांग्रेस संसदीय दलमा मिनेन्द्रदेखि देवेन्द्रसम्म सर्वसम्मत

काठमाडौं । कांग्रेस संसदीय दलको कार्यसमितिका सदस्यहरू मंगलबार निर्विरोध निर्वाचित भएका छन् । पार्टीको शीर्ष.....

यातायात समितिका नाममा रहेको सम्पत्ति खोज्दै सरकार

काठमाडौं । सरकारले संस्था दर्ता ऐन, २०३४ बमोजिम दर्ता भएका यातायात सम्बद्ध संघसंस्थाहरुको नाममा रहेको रकम, शेयर.....

नेपाली कांग्रेस धनुषामा सर्वसम्मत

जनकपुरधाम- नेपाली कांग्रेस धनुषाको १३औं जिल्ला अधिवेशनले सर्वसम्मत रुपमा जिल्ला कार्यसमिति चयन गरेको.....

वाराणसीमा निर्माणाधीन आकासेपुल भत्कियो, १२ जनाको मृत्यु

भारत । भारतको वाराणसी जिल्लामा सडकमा निर्माणाधीन आकासेपुल भत्किँदा १२ जनाको मृत्यु भएको छ। अन्य केही व्यक्ति.....

Popular Posts