अन्तर्राष्ट्रिय लोकवार्ता तथा संस्कृति सम्मेलन शुरु

संबाददाता : Samaj Khabar प्रकाशित मिति: २९ बैशाख २०७५, शनिबार ०७:२४

काठमाडौं । ‘लोकवार्ता, लोकजीवन तथा अभौतिक सांस्कृतिक सम्पदा’ को मूल विषयसहित दुईदिने छैटौँ अन्तर्राष्ट्रिय लोकवार्ता तथा संस्कृति सम्मेलन आजदेखि यहाँ शुरु भएको छ ।

नेपाली लोकवार्ता तथा संस्कृति समाजले आयोजना गरेको सम्मेलनमा लोकवार्ता, संस्कृति, लोकसाहित्य, समाजशास्त्र, मानवशास्त्र, संगीतशास्त्र, भाषा विज्ञान, पर्यटन, भूगोल, कम्युटर विज्ञान तथा इञ्जिनियरिङजस्ता विषयका अनुसन्धान, प्रयोगबारे मन्थन हुनेछ ।

सम्मेलनको उद्घाटन गर्दै शताब्दी वाङ्यमय पुरुष सत्यमोहन जोशीले लोकवार्ता र संस्कृतिलाई दिगो विकासको लक्ष्य र राष्ट्रिय विकासमा जोड्न सक्नुपर्ने बताउँदै यसले राष्ट्रिय जागरणको कामसमेत गर्ने धारणा राख्नुभयो ।

उहाँले विकासमा जनसहभागिता गराउन र लोकवार्तालाई प्राज्ञिक अनुसन्धानको विषय बनाउन सरकारले ध्यान दिनुपर्ने विचार व्यक्त गर्नुभयो ।

भाषा आयोगका अध्यक्ष डा लवदेव अवस्थीले आधुनिकता र बेवास्ताका कारण लोकवार्ता र मातृभाषा लोप हुने खतरा भएकाले संरक्षणमा जोड दिनुपर्ने बताउनुभयो ।

समाजका अध्यक्ष तुलसी दिवसले लोकवार्तालाई विगतको मान्यतामा मात्र नभई भविष्यको गन्तव्यका आधारमा समेत हेर्न आग्रह गर्दै विगतमा गाउँघरतिर मात्रै लोकवार्ता हुन्छ भन्ने सोच राखिएमा अब सहरी क्षेत्रको विकास भइरहकाले लोकवार्ताको आयाम परिवर्तित भएको बताउनुभयो । उहाँका अनुसार सम्मेलनमा बेलायत, संयुक्त राज्य अमेरिका, इटली, स्पेन, फिनल्याण्ड, लाताबिया, श्रीलंका, भारत, बंगलादेश, थाइल्याण्ड र नेपालका गरी करीब १५० को सहभागिता छ ।

नेपाल पर्यटन बोर्डका कार्यकारी दीपकराज जोशी, साहित्यकारहरु डा अभि सुवेदी, डा चूडामणि बन्धुलगायतले सम्मेलन सफलताको कामना गर्नुभयो । सम्मेलनमा विभिन्न ९२ कार्यपत्र प्रस्तुत, लोक कथा वाचन, लोकगीत गायन तथा अन्य कला प्रदर्शन हुनेछ ।

(Visited 1 times, 1 visits today)

२९ बैशाख २०७५, शनिबार ०७:२४ मा प्रकाशित

विशेष

सबै

सरकारको ५ महिना ‘कुशासनको मानक थालनी’

काठमाडौं । प्रधानमन्त्री केपी ओली नेतृत्वको सरकारले ५ महिने अवधी पूरा गरेको छ । ५ महिने कार्यकाललाई ‘सुशासनको मानक थालनी’ दावी गर्दै सरकारले ७४ पृष्ठ लामो उपलब्धी पुस्तिका सार्वजनिक गरेको छ ।.....

अधिनायकवाद विरुद्ध लड्ने कि आफै लडेर सिद्धिने, नेविसंघले सोच्नुपर्छ : उपाध्यक्ष परियार

काठमाडौं । नेपाल विद्यार्थी संघका केन्द्रीय उपाध्यक्ष सागर परियारले विधानअनुसार थप हुने ३ महिनाको अवधिभित्र.....

संवाद

सबै
देउवा पौडेल अभिभावक, दोस्रो पुस्तामा पार्टी नेतृत्व : मिनेन्द्र रिजाल

समसामयिक राजनीतिक विषयमा नेपाली कांग्रेसका नेता एवं सांसद डा. मिनेन्द्र रिजालसंग गरिएको विचारोत्तेजक कुराकानी ।   डा.केसीको अनशन टुंगिएपछि काँग्रेसको धारणा के छ..

 

 

 

Popular Posts