कालापानी र लिपुलेकमा प्रहरी चौकी राखेर सीमा जोगाउन कांग्रेसको माग

संबाददाता : Samaj Khabar प्रकाशित मिति: ३० बैशाख २०७५, आईतवार ११:२६

काठमाडौं । नेपाली कांग्रेसका सांसद दिलेन्द्रप्रसाद बडूले उत्तरी र दक्षिणी सीमामा चौकी बनाउने बजेट ल्याउन सरकारसँग माग गरेका छन्।

संसदको बजेट अधिवेशनमा बोल्दै नेता बडुले सधै सीमाक्षेत्रका नेपाली सुरक्षाकर्मीहरु अस्थायी चौकीको भरमा बस्नुपरेकाले सीमा मिच्ने घटनाहरु बारम्बार दोहोरिने गरेको तर्क गरे।

‘कालापानीदेखि लिपुलेकसम्म चौकी छैनन्, अनि किन हुँदैन सीमा अतिक्रमण’, बडूले भने।

भारत र चीनसँग जोडिएका अधिकांश सीमाक्षेत्रमा अस्थायी चौकी मात्र रहेको र त्यस्ता चौकी कतिपय स्थानमा १२ महिना नै सञ्चानल गर्न कठिनाइ हुने भएकाले स्थायी चौकी बनाउन जरुरी भएको उनले बताए।

गाउँपालिकाहरुमा सुरक्षा चौकी समेत नहुँदा बैंकहरु जान नमानेको उदाहरण पेश गर्दै सांसद बडूले यसतर्फ सरकारको ध्यान जानुपर्नेमा जोड दिए।

केन्द्र, प्रदेश, स्थानीय तहका अधिकार र क्षेत्रहरुमा अझै पनि अन्योल देखिएकाले त्यसलाई बजेट अगाडि नै टुङ्गो लगाउनुपर्ने उनको भनाइ छ।

बजेटमा कृषिलाई प्राथमिकता दिनुपर्ने भन्दै युवाहरुलाई कृषिमा उत्साहित हुने कार्यक्रम ल्याउन सुझाव दिए। युवाहरुलाई लगाएर उत्पादन बढाउन नसके रेल ल्याएर मात्र विकास नहुने उनले टिप्पणी गरे।

उत्पादन बढाउनका लागि जग्गा हदबन्दी वा चक्लाबन्दी गर्ने कार्य कानुन बनाएरै पार लगाउनुपर्ने भन्दै बडूले त्यसपछि मात्र रेल खाली नपठाउने सरकारको योजना सफल हुने बताए।

(Visited 1 times, 1 visits today)

३० बैशाख २०७५, आईतवार ११:२६ मा प्रकाशित

शीर्ष खबर

सबै

नेविसंघको म्याद गुज्रियो, थप्ने की हटाउने ?

काठमाडौं । काठमाडौं । नेपाली कांग्रेसको भ्रातृ संगठन नेपाल बिद्यार्थी संघ नेविसंघको केन्द्रीय कार्यसमितिको म्याद आजबाट सकिँदै छ । कांग्रेसले आज राती सम्म म्याद थप नगरेमा नेविसंघको केन्द्रीय समिति स्वतः.....

मुलुक नै भूकम्प प्रतिरोधी बनाउने अभियानमा छौ : प्रधानमन्त्री

काठमाडौं । प्रधानमन्त्री केपी शर्मा ओलीले सरकार सुरक्षित मुलुक निर्माणको अभियानमा रहेको बताएका छन् । २१औं.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

Popular Posts