मेगा बैंक बन्यो नेपालकै तेस्रो ठूलो बैंक

संबाददाता : Samaj Khabar प्रकाशित मिति: ३० बैशाख २०७५, आईतवार ११:४३

काठमाडौं । कृषि विकास बैंक र नेपाल इन्भेष्टमेन्ट बैंकपछि मेगा बैंक नेपालकै तेस्रो ठूलो बैंक बनेको छ। कृषि विकास बैंकको चुक्ता पुँजी १२ अर्ब ५२ करोड, इन्भेष्टमेन्टको १० अर्ब ६४ करोड रुपैयाँ रहेको छ भने मेगाले ९ अर्ब २९ करोड रुपैयाँ पुर्याएको छ।

मेगा बैंक नेपाल लिमिटेडले टुरिजम डेभलपमेन्ट बैंकसँग मर्ज गर्दै नियमन निकाय नेपाल राष्ट्र बैंकले तोकेभन्दा चुक्ता पुँजी १ अर्ब २९ करोड रुपैयाँ बढी पुर्याएको छ।

नेपाल राष्ट्र बैंकले वाणिज्य बैंकहरुलाई ८ अर्ब रुपैयाँ चुक्ता पुँजी बनाउन दिएको निर्देशनअनुसार मेगाले टुरिजमलाई मर्ज गरेको हो। मेगाको हालको चुक्ता पुँजी ७ अर्ब ३८ करोड, टुरिजमको १ अर्ब ९१ करोड गरेर उक्त बैंककाे कूल चुक्ता पुँजी ९ अर्ब २९ करोड रुपैयाँ पुगेकाे छ।

चालु आर्थिक वर्षको अन्तिममा २९ वटै वाणिज्य बैंकहरुले चुक्ता पुर्याउनु पर्नेछ। पूँजी बढाउनकै लागि २ वाणिज्य बैंकहरू लुम्बिनी बैंक र बैंक अफ काठमाण्डु मर्जरमा गइसकेका छन्।

हालसम्म २४ वटा बैंकहरुले न्यूनतम चुक्ता पुँजी पुर्याएका छन्। चुक्ता पुँजीका दृष्टिले कृषि विकास बैंक र नेपाल इन्भेष्टमेन्ट बैंकपछि मेगा बैंक नेपालकै तेस्रो ठूलो बैंक बनेको हाे। कृषि विकास बैंकको १२ अर्ब ५२ करोड चुक्ता पुँजी रहेको छ भने इन्भेष्टमेन्टको १० अर्व ६४ करोड रुपैंयाँ रहेको छ।

मेगाले आइतबार एक विशेष समारोहको आयोजना गरि एकीकृत कारोवारको घोषणा गरेको छ। उक्त कार्यक्रममा मेगा बैंकका अध्यक्ष भोजबहादुर शाहले टुरिजम् डेभलपमेन्ट बैंकका सबै ३६ वटा शाखा, एक्सटेन्सन काउन्टर, एटिएम लगायत सम्पूर्ण सञ्जाललाई मेगामा गाभेर आइतबारबाट संयुक्त कारोबार सुरु गरेको जानकारी दिए। यो मर्जरपछि मेगा परिवारमा उत्साह थपिएको अध्यक्ष शाहले बताए।

उनका अनुसार टुरिज्म डेभलपमेण्ट बैंकको १ कित्ता शेयर हुने शेयरधनीलाई गाभिएपछि मेगा बैंकको ०.९५ कित्ता शेयर प्रदान गर्ने गरी शेयर आदानप्रदान अनुपात (स्वाप रेसियो) निर्धारण भएको छ। मेगा बैंकको यो दोस्रो मर्जर हो। यसअघि मेगा बैंकसँग बुटवलमा केन्द्रीय कार्यालय रहेको पश्चिमाञ्चल डेभलपमेन्ट बैंक गाभिएको थियो।

‘आज म असाध्यै खुसी छु, टुरिजमसँगको मर्जपछि मेगा बैंक चुक्ता पुँजीको आधारमा देशकै तेस्रो ठूलो वाणिज्य बैंकको रुपमा स्थापित भएको छ,’ मेगा बैंकका अध्यक्ष शाहले भने ‘यसले मेगा बैंकको नेटवर्कमा मात्र वृद्धि भएको छैन्, व्यावसायिक अवसरहरुमा पनि वृद्धि गरेको छ। मेगा बैंकका शाखा कार्यालयहरु अब ३२ वटा जिल्लाबाट विस्तारित भएर देशका ४९ वटा जिल्लामा पुगेको छ। हामी सातवटै प्रदेशमा मेगा बैंकको प्रदेश हेडक्वार्टर स्थापना गर्ने गरी अगाडि बढिरहेका छौँ। विज्ञहरुसँगको परामर्श र छलफलबाट पाँच बर्षे रणनीतिक योजना तय गरेका छौँ। आर्थिक सम्भावनाका नयाँ क्षेत्रहरु पहिल्याउँदै कृषि, पर्यटन र जलविद्युतको क्षेत्रमा प्राथमिकताका साथ बैंकको मुख्य व्यावसायलाई केन्द्रित गर्छौं।’

–नेपालखबर

(Visited 1 times, 1 visits today)

३० बैशाख २०७५, आईतवार ११:४३ मा प्रकाशित

विशेष

सबै

‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका अध्यता, पूर्व राजदूत , प्राध्यापक डा. जयराज.....

‘संविधान चना चटपटे बेच्ने कागज होइन, संविधान नमान्ने छुट सरकारलाई छैन’

काठमाडौं । प्र्रमुख प्रतिपक्षी दल नेपाली कांग्रेसले सरकारका संविधान विपरितका क्रियाकलापले प्रजातन्त्र र.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

 

 

 

Popular Posts