ओलीले स्वीकारे – मोदीको अभिनन्दनमा कमजोरी भएकै हो

संबाददाता : Samaj Khabar प्रकाशित मिति: ३० बैशाख २०७५, आईतवार ११:३७

काठमाडौं । प्रधानमन्त्री केपी शर्मा ओलीले भारतीय प्रधानमन्त्री नरेन्द्र मोदीको नेपाल भ्रमणका बेला राष्ट्रिय मर्यादा तथा कूटनीतिक मर्यादा विपरित काम भएको स्वीकार गरेका छन् ।

भारतीय प्रधानमन्त्री मोदीको भ्रमण बारे संसदलाई जानकारी गराउने क्रममा आइतबार प्रधानमन्त्री ओलीले प्रदेश नम्बर २ को जनकपुरमा मोदीको नागरिक अभिनन्दनका बेला राष्ट्रिय मर्यादा र कूटनीतिक मर्यादाको कसीमा नअटाउने गरी केही कमीकमजोरी भएको बताएका हुन् ।

प्रधानमन्त्री ओलीले त्यो गतिविधि अनुपयुक्त रहेको बताए । तर देशको परराष्ट्र नीति केन्द्र सरकारको परराष्ट्र मन्त्रालयले हेर्ने र त्यहाँ व्यक्त भएको धारणा सरकारको आधिकारिक धारणा नरहेको बताए ।

परराष्ट्र नीतिबारे सरकारको धारणा स्पष्ट रहेको ओलीले बताए । तर जनकपुरमा त्यहाँका नागरिकको उत्साह भने देखिएको संसदमा बताए ।

प्रधानमन्त्री ओलीले तीन वर्षअघि भारतले गरेको नाकाबन्दी र त्यसको प्रभावबारे मोदीले माफी माग्नु पर्ने भनि विभिन्न पक्षबाट आएका कुराबारे आफू जानकार रहेको संकेत गरे ।

उनले भने, ‘मोदी जीको भ्रमण अघि र भ्रमणको क्रममा पनि फेरि गल्ती नहोस् भनेर झकझक्याउने काम भयो । देश भक्ति र सजगतालाई प्रशंसा गर्न चाहन्छु । नेपाली जनताले सरकारलाई गल्ती नहोस भनेर झकझकम्याइ रहे । चुक्ने काम नहोस् । विगतका कमीहरु सच्याउने काम होस् । यस्तो समस्या छन् भनेर खबरदारी गरे ।’

मिडिया, बुद्धिजीवि र आमा नागरिकले पनि चासो दिएको ओलीको भनाई छ । ती सबैलाई सकारात्मक रुपमा लिएको उनले बताए । दुई देशबिचको सम्बन्ध स्वतन्त्रता र सहकार्यका रुपमा अघि बढाउनु पर्नेमा आफूहरु सचेत रहेको प्रधानमन्त्री ओलीले बताए ।

(Visited 1 times, 1 visits today)

३० बैशाख २०७५, आईतवार ११:३७ मा प्रकाशित

शीर्ष खबर

सबै

आजबाट मलमास सुरु, यी काम झुक्किएन पनि नगर्नुहोला !

काठमाडौं । जेठ २ गते अर्थात आजबाट मलमास अर्थात पुरुषोत्तम मास सुरु भएको छ । अब अधिकमास? के–के गर्न हुँदैन ? यस्ता जनजिज्ञासाहरू यत्रतत्र सुनिन थालेका छन् । आखिर के हो त अधिकमास ? कुनै कुनै वर्षहरूमा अधिकमास किन.....

कांग्रेस संसदीय दलमा मिनेन्द्रदेखि देवेन्द्रसम्म सर्वसम्मत

काठमाडौं । कांग्रेस संसदीय दलको कार्यसमितिका सदस्यहरू मंगलबार निर्विरोध निर्वाचित भएका छन् । पार्टीको शीर्ष.....

यातायात समितिका नाममा रहेको सम्पत्ति खोज्दै सरकार

काठमाडौं । सरकारले संस्था दर्ता ऐन, २०३४ बमोजिम दर्ता भएका यातायात सम्बद्ध संघसंस्थाहरुको नाममा रहेको रकम, शेयर.....

नेपाली कांग्रेस धनुषामा सर्वसम्मत

जनकपुरधाम- नेपाली कांग्रेस धनुषाको १३औं जिल्ला अधिवेशनले सर्वसम्मत रुपमा जिल्ला कार्यसमिति चयन गरेको.....

वाराणसीमा निर्माणाधीन आकासेपुल भत्कियो, १२ जनाको मृत्यु

भारत । भारतको वाराणसी जिल्लामा सडकमा निर्माणाधीन आकासेपुल भत्किँदा १२ जनाको मृत्यु भएको छ। अन्य केही व्यक्ति.....

Popular Posts