गल्ती नसच्याए कांग्रेसको ईतिहास गर्ल्याम्म ढल्छ : प्रकाशमान

संबाददाता : Samaj Khabar प्रकाशित मिति: १९ जेष्ठ २०७५, शनिबार १५:५३

काठमाडौं । काठमाडौं। नेपाली कांग्रेसका नेता प्रकाशमान सिंहले वर्तमान राजनीतिक चुनौतिलाई सामना गर्न नसके कांग्रेसको गौरवपूर्ण इतिहास समाप्त हुने चेतावनी दिएका छन् । कांग्रेसलाई जोगाइराख्न नेता, कार्यकर्ता सबैले मेहनत गर्नुपर्नेमा उनले जोड दिएका छन् ।

नेपाली कांग्रेस काठमाडौं क्षेत्र नम्बर १ को क्षेत्रीय भेलालाई शनिबार सम्बोधन गर्दै नेता सिंहले भने, ‘अहिलेको चुनौतीलाई सामना गर्न सक्ने क्षमता छ भनेर यदि हामीले आम जनता र आम कार्यकर्ताहरुलाई इम्प्रेसन दिन सकेनौं भने हिस्ट्री जति राम्रो भए पनि यो पार्टी गर्ल्याम गुर्लुम्म जान्छ ।’

मुलुकमा ठूला ठूला राजनीतिक परिवर्तन कांग्रेसकै नेतृत्वमा भएको दावी गर्दै उनले अब आर्थिक समृद्धिको अभियानको नेतृत्व पनि कांग्रेसले नै गर्नुपर्ने बताए । अहिले कांग्रेस र कम्यनिस्ट आमने सामनेको अवस्थामा रहेको बताउँदै उनले भने, ‘अहिलेको बजेटबाट पनि कम्युनिस्टहरु विस्तारै जनवादी केन्द्रियतामा जाने तरखरमा छन् । नजानिँदो किसिमले आफ्ना गतिविधिहरु सुरु गरिसकेका छन् ।’

कम्युनिस्टको सामना गर्नका लागि हरेक निर्वाचन क्षेत्रमा, आम जनतासँग जोडिएर उनीहरुका समस्या समाधान गर्न लाग्न उनले कार्यकर्ताहरुलाई निर्देशन दिए । उनले भने, ‘मेहनत धेरै गर्नुपर्ने हुन्छ । नेताहरु, कार्यकर्ताहरु सबैले मेहनत गर्नुपर्‍यो । हामी एकदम तयार हुनुपर्‍यो । खाली अर्काको आलोचना गरेर कोही पनि अगाडि बढ्न सक्दैन ।’

उनले प्रजातन्त्रलाई कमजोर पारेर, संविधानको मूल मर्म र भावनालाई कमजोर बनाएर जान थाल्ने हो भने कांग्रेस चुप लागेर नबस्ने चेतावनी दिए । ‘पन्चायत जस्तो तानाशाही व्यवस्थालाई त हामीले ३०–३० वर्षसम्म संघर्ष गरेर परिवर्तन ल्यायौं । यदि कुनै पार्टीले आफ्नो बहुमतको बलबाट प्रहार गर्छ भने कांग्रेस चुप लागेर बस्दैन ।’

त्यसका लागि सबैभन्दा पहिले पार्टीको केन्द्रिकृत विधानलाई संशोधन गर्नुपर्नेमा सिंहले जोड दिए । उनले भने, ‘हाम्रै पार्टी सभापति सुशील कोइरालाको पालामा संघीयतासहितको संविधान जारी गर्ने तर पार्टीचाहिँ अझैसम्म पनि एकात्मक केन्द्रीयतामा अल्झिएर बसेको छ त्यो त भएन नि । यसमा सुधार गर्नुपर्‍यो । विधानलाई संशोधन गर्नुपर्‍यो ।’

उनले अघि भने, ‘मेरो व्यक्तिगत रुपमा कसैप्रति गुनासो छैन तर सवाल के छ भने पार्टी जोगाउने कि नजोगाउने? यसरी त चल्दैन नी पार्टी । तपाईंहरुलाई लाग्ला आफू ठूलो हुनलाई यसले यस्तो कुरा उठाइरहेको छ, त्यो होइन । म १७ सालदेखिकै भुक्तभोगी हुँ। कार्यकर्ताहरुलाई के कस्ता कष्ट आइरहेका हुन्छन् भन्ने कुरा मैले देखिरहेको छु ।’

(Visited 1 times, 1 visits today)

१९ जेष्ठ २०७५, शनिबार १५:५३ मा प्रकाशित

विशेष

सबै

सरकारको ५ महिना ‘कुशासनको मानक थालनी’

काठमाडौं । प्रधानमन्त्री केपी ओली नेतृत्वको सरकारले ५ महिने अवधी पूरा गरेको छ । ५ महिने कार्यकाललाई ‘सुशासनको मानक थालनी’ दावी गर्दै सरकारले ७४ पृष्ठ लामो उपलब्धी पुस्तिका सार्वजनिक गरेको छ ।.....

अधिनायकवाद विरुद्ध लड्ने कि आफै लडेर सिद्धिने, नेविसंघले सोच्नुपर्छ : उपाध्यक्ष परियार

काठमाडौं । नेपाल विद्यार्थी संघका केन्द्रीय उपाध्यक्ष सागर परियारले विधानअनुसार थप हुने ३ महिनाको अवधिभित्र.....

संवाद

सबै
देउवा पौडेल अभिभावक, दोस्रो पुस्तामा पार्टी नेतृत्व : मिनेन्द्र रिजाल

समसामयिक राजनीतिक विषयमा नेपाली कांग्रेसका नेता एवं सांसद डा. मिनेन्द्र रिजालसंग गरिएको विचारोत्तेजक कुराकानी ।   डा.केसीको अनशन टुंगिएपछि काँग्रेसको धारणा के छ..

 

 

 

Popular Posts