पहिरोले बन्द मुग्लिन-नारायणगढ सडक खुल्यो

संबाददाता : Samaj Khabar प्रकाशित मिति: २२ जेष्ठ २०७५, मंगलवार ०५:३७

नारायणगढ । अविरल वर्षापछि पहिरो जाँदा मंगलबार बिहानदेखि अवरुद्ध नारायणगढ–मुग्लिन सडकखण्ड खुलेको छ। चितवनको चारकिलो भन्ने ठाउँमा पहिरो खस्दा बन्द भएको सडकमा बिहान पौने १० बजेदेखि दुवैतर्फ यातायात सञ्चालन भएको इलाका प्रहरी कार्यालय मुग्लिनले जनाएको छ।

चारकिलोमा बिहान ५ बजेतिर पहिरो खसेर अवरुद्ध भएको सडक बिहान सात बजेदेखि एकतर्फी खुलाइएको थियो। तर लगत्तै फेरि सोही ठाउँमा अर्को पहिरो खसेपछि पूर्ण रूपमा यातायात बन्द भएको थियो।

बिहानदेखि लाम लागेका सयौं सवारीसाधन पहिरो पन्छाएपछि अहिले आ–आफ्ना गन्तव्यतर्फ लागेका छन्।

सडकमा अत्यधिक सवारी चापका कारण यातायात आवतजावत सहज हुन भने अझै तीन घण्टाभन्दा बढी समय लाग्ने देखिएको ट्राफिक प्रहरीले जनाएको छ।

बिहान १० बजेदेखि ४ बजेसम्म नियमित हुँदै आएको बन्द भने जाम खुलेर यातायात सहज भएपछि मात्रै गरिने चितवन प्रहरीले जनाएको छ।

चारकिलो भन्ने ठाउँमा पटक–पटक पहिरो जाने गरेका कारण नारायगढ–मुग्लिन सडकखण्डमा यात्रुहरूले सास्ती पाउँदै आएका छन्।

उक्त सडकको स्तरोन्नति गरिएको भनिए पनि पहिरो गएर सडक बन्द हुने क्रम रोकिएको छैन।

(Visited 1 times, 1 visits today)

२२ जेष्ठ २०७५, मंगलवार ०५:३७ मा प्रकाशित

शीर्ष खबर

सबै

स्वीस बैंक प्रकरण चर्चामा,प्रधानमन्त्री स्वीटजरल्याण्ड जाँदै

काठमाडौं । प्रधानमन्त्री केपी शर्मा ओली स्वीट्जरल्याण्डको डाभोसमा हुने विश्व आर्थिक मञ्चको ४९ औँ वार्षिक बैठकमा सहभागी हुन नेपाली प्रतिनिधिमण्डलको नेतृत्व गर्दै आइतबार त्यसतर्फ प्रस्थान गर्ने गर्ने.....

खानपान र जीवनशैली नमिल्दा मुटुरोगको उच्च जोखिम

पवर्त । नेपालमा दिन प्रतिदिन मुटुरोगका बिरामी बढ्दै गइरहेका छन् । कुल जनसङ्ख्याको १० देखि १५ प्रतिशत मुटुरोगी.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

Popular Posts