विधिसम्मत नियुक्ति खारेज गरिएकोमा देउवा रुष्ट

संबाददाता : Samaj Khabar प्रकाशित मिति: २३ असार २०७५, शनिबार ०१:०५

मन्थली । नेपाली काँग्रेसका सभापति शेरवहादुर देउवाले आफू नेतृत्वको सरकारले विधि सम्बत गरेका राजनीतिक नियुक्ती बदर गरेको भन्दै वर्तमान सरकारको आलोचना गर्नुभएको छ ।

काँग्रेस नगर समिति रामेछापले गरेको कार्यक्रममा सभापति देउवाले सरकार स्वेच्छाचारी ढंगले अधिनायकबादतर्फ अघी बढेको आरोप लगाउनुभयो ।

देउवाले भन्नुभयो, ‘मैले निर्वाचन आयोगको सहमति लिएर गरेका नियुक्तीहरु वदर गर्नुपर्ने कुनै कारणै थिएन, ती सवै नियुक्ती विधिसम्मत थिए, सरकारले विधि कुल्चिदै बदर गर्ने फैसला गरेको छ ।’ उहाँले सरकारको पछिल्लो निर्णयमा कांग्रेस मौन नबस्ने चेतावनी समेत दिनुभयो । ओली नेतृत्वको सरकारले दुइ तिहाइको दम्भमा लोकतन्त्रको मूल्य मान्यता भन्दा बाहिर गएर यत्रतत्र भाडभैलो सृजना गरीरहेको भन्दै देउवाले आक्रोश व्यक्त गर्नुभयो ।

(Visited 1 times, 1 visits today)

२३ असार २०७५, शनिबार ०१:०५ मा प्रकाशित

Popular Posts