नातिको ‘देश बिर्सेर’ कथा सङ्ग्रह लोकार्पित

संबाददाता : Samaj Khabar प्रकाशित मिति: ४ श्रावण २०७५, शुक्रबार ०२:२४

काठमाडौं । बेलायत निवासी युवा स्रष्टा नरेश नातिद्वारा लिखित कथा सङ्ग्रह ‘देश बिर्सेर’ बजारमा आएको छ ।

उक्त कृतिको आज यहाँ आयोजित एक कार्यक्रमकाबीच लोकापर्णण गर्दै नेपाल प्रज्ञा–प्रतिष्ठानका पूर्वकुलपति एवं वरिष्ठ कवि बैरागी काइँलाले कथाकार नरेश नाति बहुमुखी प्रतिभाको धनी भएको बताउनुभयो ।

नाति गीतकार, मुक्तककार, सङ्गीत मर्मज्ञका साथै राम्रो वाद्यवादक पनि भएको उल्लेख गर्दै उहाँले उहाँका कथाहरू सरल र सम्प्रेषणीय भएको उल्लेख गर्नुभयो ।

कवि, कथाकार तथा नाटककार गोपाल पराजुलीले सैनिकको जीवनमा सधैँ परीक्षा आइरहने उल्लेख गर्दै सैन्य सेवामा सेवारत लेखक नातिको कृति नेपाली साहित्यमा सफल हुने विश्वास व्यक्त गर्नुभयो ।

कवि तथा कथाकार समेत रहेका नेपाल प्रज्ञा–प्रतिष्ठानका आख्यान विभाग प्रमुख प्राज्ञ मात्रिका पोखरेलले नेपाली साहित्यमा लाहुरे समुदाय र वैदेशिक रोजगारीमा गएका श्रमिक वर्गका विषयमा धेरै कुरा लेखिन बाँकी रहेको बताउनुभयो ।

प्रतिष्ठानका मातृभाषा साहित्य विभाग प्रमुख प्राज्ञ श्रवण मुकारुङ र समालोचक महेश पौड्यालले नातिका कथाहरू सत्यको नजिक कृतिकारका जीवनका अनुभव, अनुभूति र भोगाइकै जगमा कथाहरू लेखिएको उल्लेख गर्नुभयो ।

ब्रिटिस सैन्य सेवामा कार्यरत नातिले कथा लेखनको पृष्ठभूमि सुनाउँदै भावुकताका साथ भन्नुभयो, “म कर्तव्यपालनको सिलसिलामा अफगानिस्तानमा खटिएको थिएँ । एक दिन मैले त्यहाँका पाखाभरि चिहानैचिहान देखेँ । पछि थाहा पाएँ ती चिहानहरू त दोस्रो विश्वयुद्धमा मारिएका गोर्खालीहरूका रहेछन् । मनमा नरमाइलो भयो ।”

वाङ्मय परिषद्का अध्यक्ष शशी लुमुम्बूले बेलायत डायास्पोरा नेपाली साहित्यकोे मलिलो भूमि भएको कुरा नातिको कथा सङ्ग्रहले सावित गरेको दाबी गर्नुभयो । यसअघि ‘बाटो खोज्दाखोज्दै’ गीत र ‘मन बेइमानी’ मुक्तक सङ्ग्रह प्रकाशित गरिसकेका नातिको तेस्रो कृतिको रुपमा प्रकाशित ‘देश बिर्सेर’ भित्र ‘युद्ध’, ‘माङपाहाङ जेठा’, ‘नरम चना भुत्ले साग’, ‘बाँसको भ¥याङ’, ‘स्मृति’, ‘देश बिर्सेर’, ‘अफगानिस्तान’, ‘रामलेपा’, ‘इकमान’, ‘इन्टरनेट’, ‘निस्सासिएको एक पल’ र ‘त्यो प्रेम’ गरी १२ कथा समाविष्ट छन् ।

(Visited 1 times, 1 visits today)

४ श्रावण २०७५, शुक्रबार ०२:२४ मा प्रकाशित

विशेष

सबै

‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका अध्यता, पूर्व राजदूत , प्राध्यापक डा. जयराज.....

‘संविधान चना चटपटे बेच्ने कागज होइन, संविधान नमान्ने छुट सरकारलाई छैन’

काठमाडौं । प्र्रमुख प्रतिपक्षी दल नेपाली कांग्रेसले सरकारका संविधान विपरितका क्रियाकलापले प्रजातन्त्र र.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

 

 

 

Popular Posts