पुलिसलाई स्तब्ध बनाउदै संकटा लिगको दोस्रो स्थानमा

संबाददाता : Samaj Khabar प्रकाशित मिति: १८ मंसिर २०७५, मंगलवार १५:४१

काठमाडौं । सिएमजी संकटा क्लब पल्सर सहिद स्मारक ‘ए’ डिभिजन लिग फुटबलको दोस्रो स्थानमा उक्लिएको छ । मंगलबार विभागीय टिम नेपाल पुलिस क्लबलाई २ – १ ले पराजित गर्दै संकटा दोस्रो स्थानमा उक्लिएको हो ।

एन्फा कम्प्लेक्स सातदोबाटोमा संकटालाई जित दिलाउन सरोज दाहाल र दिपेश आले मगरले एक एक गोल गरे । पुलिसका रबी पासवानले एक गोल फर्काएपनि टोलीको हार टार्न सकेनन् ।

पुलिसविरुद्ध खेलको २९ औं मिनेटमा लक्ष्मण रुचालको कर्नरमा सरोज दाहालले हेड गोल गर्दै संकटालाई सुरुवाती अग्रता दिलाए । खेलको ३७ औं मिनेटमा दिपेश आले मगरले गोल गरेपछि संकटाले २ – ० को अग्रता बनायो ।

संकटाको यो पाँचौ जित हो ।जितसंगै संकटाले ६ खेलबाट १५ अंक जोडेको छ । र, शीर्ष स्थानको सिग्नेचर मनाङ मर्स्याङ्दीसंग अंक बराबर गरेको छ ।

हेड टु हेडमा अघि रहेको मनाङले एक खेल कम खेलेको छ । तर, संकटाले आर्मीलाई पछि पार्दै दोसो स्थान हासिल गरेको हो ।

(Visited 1 times, 1 visits today)

१८ मंसिर २०७५, मंगलवार १५:४१ मा प्रकाशित

Popular Posts