धर्म प्रचारको आरोपमा प्रधानमन्त्रीविरुद्ध जाहेरी, प्रहरीले दर्ता गरेन

संबाददाता : Samaj Khabar प्रकाशित मिति: १८ मंसिर २०७५, मंगलवार १६:१४

काठमाडौं । प्रधानमन्त्री केपी शर्मा ओलीले क्रिस्चियन धर्म प्रचारमा सक्रिय भएको भन्दै चौतर्फी आलोचना भइरहेका बेला उनीविरुद्ध धर्म परिवर्तन गराउन लागेको भन्दै प्रहरीमा उजुरी दर्ता गराउने प्रयास भएको छ ।

प्रधानमन्त्री ओलीविरुद्ध धर्म परिवर्तनको उद्योग (कसुर गरेको आरोपमा कारबाही माग गर्दै अधिवक्ता भूपेन्द्रप्रसाद पोख्रेलले उजुरी दर्ता गराउन खोजे पनि प्रहरीले लिन अस्वीकार गरेको छ ।

प्रधानमन्त्री ओलीले संविधानविपरीत धर्म प्रचार गर्न खोजेको, सरकारको स्वीकृतिबिना तक्मा तथा पुरस्कार थापेको भन्दै उजुरी दर्ता गराउन महानगरीय प्रहरी परिसर टेकु पुगेका अधिवक्ता भूपेन्द्रप्रसाद पोख्रेललाई महानगरीय प्रहरी प्रमुख वसन्त लामाले उजुरी नलिई फर्काएका हुन् ।

पोख्रेलले प्रधानमन्त्री ओलीसँगै युनिभर्सल पिस फेडरेसन (युपिएफ) का नेपाल अध्यक्ष तथा नेपाल परिवार दलका अध्यक्ष एकनाथ ढकाललाई पनि कारबाही गरिनुपर्ने माग गरेका थिए ।

तर, प्रहरीले कानुनभन्दा पनि पद हेरेर उजुरी दर्ता लिन नमानेको अधिवक्ता पोख्रेलले बताए ।

(Visited 1 times, 3 visits today)

१८ मंसिर २०७५, मंगलवार १६:१४ मा प्रकाशित

Popular Posts