न्याय खोज्न दिउँसै टर्च बालियो

संबाददाता : Samaj Khabar प्रकाशित मिति: १९ मंसिर २०७५, बुधबार १७:१०

कञ्चनपुर । करिब चार महिना अघि हत्या गरिएकी कञ्चनपुरकी १३ वर्षीया बालिका निर्मला पन्तकाे हत्यारा पत्ता लगाउन दबाब दिँदै आएको नागरिक संघर्ष समितिले न्याय हराएको भन्दै टर्च बालेर सांकेतिक प्रदर्शन गरेको छ । घटनाको दोषी पत्ता नलागेपछि निर्मलाकाे लागि न्याय माग्दै संघर्ष समितिले बुधबार जिल्ला प्रशासनको हाताभित्र नाराजुलुस गर्दै टर्च बालेर सांकेतिक प्रदर्शन गरेका हुन् ।

घटनाको चार महिना बितिसक्दा पनि वास्तविक दोषी पत्ता नलागेपछि सरकारलाई दबाब दिन दोहोरो आन्दोलन थालेको संघर्ष समितिले देशमा न्याय हराएको भन्दै आफूहरुले टर्च बालेर न्याय जोख्ने प्रयास गरेको बताएका छन् ।

यसअघि, नागरिक संघर्ष समितिले सोमबार र मंगलबार ११ बजेदेखि ४ बजेसम्म जिल्ला प्रशासन कार्यालयको गेटमा कालो पट्टी बाधेर विरोध जनाएका थिए । तर, बुधबार भने संघर्ष समितिले प्रशासनको मूल गेटमै बसेर टर्च बालेर विरोध प्रदर्शन गरेका छन् । उनीहरुले निर्मला जस्ता छोरीको सुरक्षाको ग्यारेन्टी गर्न सरकारसँग माग गरेका छन् ।

(Visited 1 times, 1 visits today)

१९ मंसिर २०७५, बुधबार १७:१० मा प्रकाशित

Popular Posts