म्यानचेस्टर सिटी प्रिमियर लिगको दोस्रो स्थानमा

संबाददाता : Samaj Khabar प्रकाशित मिति: १६ पुष २०७५, सोमबार ०५:०९

एजेन्सी । इंग्लिश प्रिमियर लिग फुटबलमा साबिकको विजेता म्यानचेस्टर सिटीले सहज जित दर्ता गरेको छ । आइतबार भएको खेलमा सिटीले १० खेलाडीमा सिमित साउथह्याम्पटनलाई ३ – १ गोल अन्तरले पराजित गरेको हो ।

साउथह्याम्पटनको मैदानमा भएको खेलमा सिटीलाई जित दिलाउन डेभिड सिल्भा र सर्जियो अग्युरोले एक एक गोल गरे । सिटीले  गोल आत्मघाती उपहार पाएको थियो । साउथह्याम्पटनका जेम्स वार्ड्सले आत्मघाती गोल गर्दा पिएर्रे होज्वजेर्गले एक गोल फर्काए ।

घरेलु टोलीविरुद्ध सिटीले खेलको १० औं मिनेटमा सिल्भाको गोलबाट अग्रता बनाएको थियो । तर, खेलको ३७ औं मिनेटमा साउथह्याम्पटनका पिएर्रेले गोल गर्दै खेल १ – १ को बराबरीमा ल्याए ।

खेलको ४५ औं मिनेटमा वार्ड्सले आत्मघाती गोल गरेपछि सिटीले पुनः २ – १ को अग्रता बनायो । त्यसपछि पहिलो हाफको इन्जुरी समयमा अग्युरोले गोल गरेपछि पहिलो हाफमा सिटीले ३ – १ को अग्रता बनायो । दोस्रो हाफमा दुवै टोलीले थप गोल गर्न नसक्दा सिटीले ३ – १ को महत्वपूर्ण जित निकाल्यो । 

यस्तै खेलको ८५ औं मिनेटमा पिएर्रेले रातो कार्ड पाएपछि खेलको अन्तिम ५ मिनेट साउथह्याम्पटन १० खेलाडीमा सिमित भएको थियो  ।

साउथह्याम्पटनमाथिको जितसंगै सिटी लिगको दोस्रो स्थानमा उक्लिएको छ । र, सिटीले उपाधि होडमा आफुलाई कायमै राखेको छ ।  जितपछि सिटीले २० खेलबाट ४७ अंक जोडेको छ ।

तर, सिटी शीर्ष स्थानको लिभरपुल भन्दा अझै ७ अंकले पछि छ । लिभरपुलको ५४ अंक छ ।  पराजित साउथह्याम्पटनको १५ अंक छ । 

अर्को खेलमा बर्नलीले वेष्ट ह्यामलाई २ – ० ले हराएको छ । 

(Visited 1 times, 1 visits today)

१६ पुष २०७५, सोमबार ०५:०९ मा प्रकाशित

शीर्ष खबर

सबै

स्वीस बैंक प्रकरण चर्चामा,प्रधानमन्त्री स्वीटजरल्याण्ड जाँदै

काठमाडौं । प्रधानमन्त्री केपी शर्मा ओली स्वीट्जरल्याण्डको डाभोसमा हुने विश्व आर्थिक मञ्चको ४९ औँ वार्षिक बैठकमा सहभागी हुन नेपाली प्रतिनिधिमण्डलको नेतृत्व गर्दै आइतबार त्यसतर्फ प्रस्थान गर्ने गर्ने.....

खानपान र जीवनशैली नमिल्दा मुटुरोगको उच्च जोखिम

पवर्त । नेपालमा दिन प्रतिदिन मुटुरोगका बिरामी बढ्दै गइरहेका छन् । कुल जनसङ्ख्याको १० देखि १५ प्रतिशत मुटुरोगी.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

Popular Posts