बहुमतको सरकार जनता विरुद्ध उभियो : डा. केसी

संबाददाता : Samaj Khabar प्रकाशित मिति: २३ पुष २०७५, सोमबार ०५:१६

काठमाडौँ । डा. गोविन्द केसीले आफूसँग भएको सहमतिविपरित चिकित्साशास्त्र विधेयक अघि बढाएको भन्दै सच्चाउन माग गरेका छन् ।

डा. केसीले सोमबार पत्रकार सम्मेलन गर्दै आफ्नो १५ औँ सत्याग्रहका बेला संसदमा विचाराधिन चिकित्सा शिक्षा विधेयक निश्चित संशोधनसहित पारित गर्ने, उपत्यका बाहिर विभिन्न ठाउहरुमा सरकारी मेडिकल कलेजहरु खोल्नेलगायतका सहमतिविपरित विधेयक पारित गरेकोमा आपत्ति जनाएका हुन् ।

पत्रकार सम्मेलनमा केसीले भने, ‘विधेयक अघि बढाउने क्रममा तथाकथित साम्यवादी नेता र उपसमितिका सदस्यहरुले चलखेल गरेर जनतामुखि बुँदा हटाएर माफियामुखी बुँदा थपेर विधेयक पारित गरेकोमा हाम्रो गम्भिर ध्यानाकर्षण भएको छ ।’

पत्रकार सम्मेलनमा विचरित प्रेस विज्ञप्तिमा केसीले भनेका छन्, ‘एकातिर देशका अधिकांश जनता बसोबास गर्ने ग्रामिण क्षेत्रका हरेक नागरिकले सर्वसुलभ रुपमा सवास्थ्य उपचार पाउन भनेर गाउँमा सरकारी मेडिकल तथा अस्पतालहरु खोल्नुपर्छ भनेर हामी लड्दै आएका छौँ, अर्कोतिर सोही क्षेत्रबाट निर्वाचित सांसद र शीर्ष नेताहरु नागरिकका लागि नभएर माफिया र दलालको स्वार्थ पक्षपोषण गर्नतर्फ लागेका छन् । उनीहरुको यो उदेश्य कदापी पुरा हुन दिने छैनौं ।’

सरकारले मनपरितन्त्रले स्वास्थ्य र शिक्षा क्षेत्रमा सेवा भन्दा पनि ब्यापारीकरण गरेको भन्दै प्रधानमन्त्रीले अनावश्यक ठाँउमा बजेट खर्च गर्ने गरेको केसीको आरोप छ । उनले जनताको कर बाट चलेको सरकारले जनताको सवालमा काम नगरेको बताए ।

डा. केसीले संसदको शिक्षा तथा स्वास्थ्य समितिकी सभापतिले सार्वजनिक रुपमै आफुसँग भएको सहमतिअनुरुप नै विधेयक पातिर हुन्छ भनेकाले पौष २५ सम्मका लागि सारेको भन्दै सम्झौता विपरित उपसमितिले पठाएको प्रतिवेदन समितिले अविलम्ब नसच्चाए पुष २५ अगाडि नै सत्याग्रह बस्ने चेतावनी समेत दिएका छन् ।

डा. केसीले अबको अनसन नेताबिरुद्ध हुने दाबी समेत गरे ।

‘बहुमतको सरकारले जनता मार्ने काम गरेको छ । माग जस्ताको त्यस्तै कार्यन्वयन गर्नु पर्छ नत्र अब बश्ने अनसन राजनीतिक नेताविरुद्ध हुनेछ,’ उनले भने ।

(Visited 1 times, 1 visits today)

२३ पुष २०७५, सोमबार ०५:१६ मा प्रकाशित

शीर्ष खबर

सबै

स्वीस बैंक प्रकरण चर्चामा,प्रधानमन्त्री स्वीटजरल्याण्ड जाँदै

काठमाडौं । प्रधानमन्त्री केपी शर्मा ओली स्वीट्जरल्याण्डको डाभोसमा हुने विश्व आर्थिक मञ्चको ४९ औँ वार्षिक बैठकमा सहभागी हुन नेपाली प्रतिनिधिमण्डलको नेतृत्व गर्दै आइतबार त्यसतर्फ प्रस्थान गर्ने गर्ने.....

खानपान र जीवनशैली नमिल्दा मुटुरोगको उच्च जोखिम

पवर्त । नेपालमा दिन प्रतिदिन मुटुरोगका बिरामी बढ्दै गइरहेका छन् । कुल जनसङ्ख्याको १० देखि १५ प्रतिशत मुटुरोगी.....

संवाद

सबै
‘वीपीको राष्ट्रवाद यथार्थपरक थियो, अहिलेको राष्ट्रवाद नारापरक छ’

आधुनिक नेपाली राजनीतिका शिखरपुरुष , प्रथम जननिर्वाचित प्रधानमन्त्री, प्रजातान्त्रिक समाजवादका प्रवर्तक, जननायक वीपी कोइरालाको जन्मजयन्तीका अवसरमा वीपी विचारका..

Popular Posts