मादीबाट पोखरातर्फ आउँदै गरेको टिप्पर दुर्घटना २ जना घाईते
समाज खबर संवाददाता |
पोखरा . कास्कीका मादी गाउँपालिका–५ छाचोकबाट पोखरातर्फ आउँदै गरेको ग १ ख ४२९८ नम्बरको टिप्पर दुर्घटना हुँदा नुवाकोटका दुईजना घाइते भएका छन।
नुवाकोट ककनी गाउँपालिका–३ घर भई पोखरा –२६ बस्ने ३५ का धनबहादुर तामाङ र ५२ वर्षीय कृष्णबहादुर लामा घाइते भएको जिल्ला प्रहरी कार्यालय कास्कीले जनाएको छ ।
घाइते दुवैलाई उद्धार गरी उपचारका लागि पोखरा स्वास्थ्य विज्ञान प्रतिष्ठान पठाइएको कास्की प्रहरीले जनाएको छ । स्यालटुडा छाचोकबाट ढुङ्गा लोड गरी पोखरातर्फ आउँदै गरेको टिप्पर सडकबाट अन्दाजी ५ मिटर तल खसेको र दुर्घटनापछि चालक फरार रहेकोले खोजी भइरहेको कास्की प्रहरीले जनाएको छ
प्रतिकृया दिनुहोस