आज चैत शुक्ल नवमी श्रीरामको जन्मदिन, पूजा आराधना गरी मनाइँदै
समाज खबर संवाददाता |
काठमाडौँ । आज चैत शुक्ल नवमी अर्थात् श्रीरामको जन्मदिन । आज देश तथा बिदेशमा रहेका राम मन्दिरका साथै घर–घरमा वैदिक सनातन हिन्दू धर्मावलम्बीहरूले मर्यादा पुरुषोत्तम श्रीरामको श्रद्धा, भक्तिपूर्वक पूजा आराधना गरी राम नवमी पर्व मनाउँदै छन् ।
जनकपुरधाममा रहेको रामजानकी मन्दिरमा पनि पूजाअर्चना गर्न भक्तजनको घुइँचो लागेको छ । रामजानकी मन्दिरमा भारतबाट समेत हजारौँ श्रद्धालु भक्तजन सहभागी भई पवित्र गङ्गासागरमा स्नान गरी रामजानकी मन्दिरमा पूजाआजा गर्दछन् । आज पवित्र भएर व्रत बस्ने ,रामगीता र रामायण पाठ गर्ने , रामभक्तियुक्त भजनकीर्तनका साथ राति जाग्राम बस्ने परम्परा पनि छ ।
धार्मिक शास्त्रअनुसार भगवान् श्ररिामले राज्यभित्र कायम हुनुपर्ने सबै मर्यादाको कायम गरेका कारण उहाँलाई मर्यादा पुरुषोत्तम भनिएको हो ।
प्रतिकृया दिनुहोस