इलाम र बझाङमा हुने उपनिर्वाचनको मौन अवधि सुरु, प्रचारप्रसार गर्न निषेध
समाज खबर संवाददाता |
काठमाडौं । वैशाखमा १५ हुने इलामको प्रतिनिधिसभा सदस्य निर्वाचन र बझाङको प्रदेशसभा सदस्य निर्वाचन उपनिर्वाचनका लागि मौन अवधि सुरु भएको छ । मौन अवधिमा उम्मेदवार वा पार्टीलाई निर्वाचनको प्रचारप्रसार गर्न निषेध गरिएको छ ।
निर्वाचन आयोगले मतदान हुने दिन १५ वैशाखभन्दा ४८ घण्टाअघि १२ वैशाख राति १२ बजेदेखि मतदानको काम नसकिएसम्म प्रचारप्रसार गर्न निषेध गरिएको हो । यो अवधिमा उपनिर्वाचन हुने सम्बन्धित जिल्लामा आचारसंहिता प्रतिकूल हुने गतिविधिको निगरानी तथा नियन्त्रणका लागि सूक्ष्म अनुगमन गरी आचारसंहिता पालना गराउने व्यवस्थासमेत मिलाइएको छ ।
उपनिर्वाचनलाई स्वच्छ, स्वतन्त्र, निष्पक्ष र भयरहित वातावरणमा सम्पन्न गर्नरगराउन प्रचारप्रसार निषेध अवधिको अनुगमन र निगरानी गरी सोको जानकारी आयोगलाई गराउन सम्बन्धित निकायलाई निर्देशन दिइएको निर्वाचन आयोगका उपसचिव एवं सहायक प्रवक्ता रामदत्त पाण्डेयले जानकारी दिए ।
प्रतिकृया दिनुहोस