बंगलादेशले नेपालबाट ५ सय मेगावाट विद्युत किन्ने

संबाददाता : Samaj Khabar प्रकाशित मिति: १८ मंसिर २०७५, मंगलवार १६:२७

काठमाडौं । माथिल्लो कर्णालीबाट उत्पादित ५ सय मेगावाट जलविद्युत बंगलादेशले किन्ने भएको छ। मंसिर १७ गते बसेको दुबै देशका सचिवस्तरीय बैठकमा उक्त परिणामको जलविद्युत बंगलादेशले आयात गर्ने सहमति भएको हो। यो सँगै बंगलादेशसँग नेपालको विद्युत व्यापारको बाटो खुलेको हो।

नेपाल र बंगलादेशबीच भएको यो सम्झौता पहिलो हो।

यसका साथै नेपाल र बंगलादेशबीच विद्युत व्यापारको थप संभावना खोज्ने, बंगलादेशको लगानी नेपाल भित्र्याउने, अन्तरदेशीय विद्युत प्रसारण लाइनका विषयमा पनि छलफल भएको उर्जा मन्त्रालयले जानकारी दिएको छ।

बैठकमा विद्युत व्यापारको संभावना खोज्न दुबै देशले दीर्घकालीन योजना समीक्षा गरी नेपालका संभावित आयोजना पहिचान गर्न दुबै देशबाट तीन तीन जना प्राविधिक रहने एक समिति समेत गठन गरेको छ।

(Visited 1 times, 1 visits today)

१८ मंसिर २०७५, मंगलवार १६:२७ मा प्रकाशित

Popular Posts