हङकङमा ‘एभरेष्ट इन्टरनेशनल फिल्म २०१९’ हुने

संबाददाता : Samaj Khabar प्रकाशित मिति: २३ माघ २०७५, बुधबार १५:१२

काठमाडौं । नेपाली फिल्मलाई प्रवर्धनका गर्ने उद्देश्यले हङकङमा नेपाली फिल्म अवार्ड हुने भएको छ । सन् २०१९ को जुन महिनामा ‘एभरेष्ट इन्टरनेशनल फिल्म २०१९’ हुने भएको हो ।

आयोजक संस्था एभरेस्ट इन्टरटेनमेन्ट प्राइभेट लिमिटेडले आज (बुधवार) काठमाडौंमा औपचारिक कार्यक्रमको आयोजना गरी अवार्डबारे जानकारी गरायो । आयोजक संस्थाका अनुसार उक्त अवार्ड २० विधामा प्रदान गरिनेछ ।

सन् २०१८ मा रिलिज भएका फिल्महरुले भाग लिन पाउनेछन् भने यो अवार्डमा तीन विधा आदिवासी फिल्मका लागि छुट्याइएको छ । साथै अवार्ड समारोहमा फिल्म क्षेत्रमा सहयोग पु–याउने एक फिल्मकर्मीलाई लाइफटाइम एचिभमेन्टले अवार्डले सम्मान गरिने पनि आयोजकले जनाएको छ ।

अवार्ड समारोह ३ हजार ५ सय दर्शक धान्ने हङकङस्थित वानचाइमा रहेको ‘क्वीन एलिजावेथ स्टेडियम हल’ मा सम्पन्न हुनेछ । फिल्मको नोमिनेसन मार्चमा गरिने बताइएको छ ।

निर्णायकमा एक वरिष्ठ कलाकार सुनील थापा रहने बताइयो भने नेपालबाट अवार्डका लागि ६० जना कलाकार, पत्रकार तथा फिल्मकर्मी प्रस्थान गर्नेछन् ।

आयोजक टिमले कलाकार, प्राविधिक तथा पत्रकार जाँदा लाग्ने सम्पूर्ण खर्च बेहोर्ने बताएको छ ।

(Visited 1 times, 1 visits today)

२३ माघ २०७५, बुधबार १५:१२ मा प्रकाशित

Popular Posts