आधा टन गाँजा मुसाले खाएपछि…

संबाददाता : Samaj Khabar प्रकाशित मिति: २३ माघ २०७५, बुधबार १६:१४

काठमाडौं । अर्जेन्टिनाको प्रहरी गोदामबाट आधा टनभन्दा बढी गाँजा हराएको छ । ड्युटीमा रहेका प्रहरीले भने ती गाँजा मुसाले खाएको दाबी गरेको छ । ५ सय ४० किलो गाँजा मुसाले खाएको दाबी गर्ने प्रहरीलाई जागिरबाट हटाइएको छ । अर्जेन्टिनाको उत्तरी सहर पिलरमा भएको घटनापछि सो नगरका पूर्व कमिस्नरसहित ८ प्रहरी पक्राउ परेका छन् । उनीहरुले अदालतमा बयान दिने क्रममा मुसाहरुले खाएको बयान दिएका छन् ।

तर फरेन्सिक विज्ञहरुले भने मुसाले खानाको रुपमा लागू औषध नलिने, यदि खाए भने मर्ने गरेको बताएका छन् । ‘मुसाले लागू औषध खाने गल्ती गर्दैन,’ विज्ञको भनाइ छ, ‘त्यति खाएको हो भने गोदाममा थुप्रै मरेका मुसा भेटिनुपर्छ ।’

प्रहरीले दुई वर्षअघि बरामत गरेको ६ हजार किलो गाँजा गोदाममा राखेको थियो । नयाँ प्रहरी प्रमुख आएपछि मात्रै गोदाममा ५ सय किलो गाँजा घटेको पत्ता लागेको थियो ।

शुक्रबारबाट

(Visited 1 times, 1 visits today)

२३ माघ २०७५, बुधबार १६:१४ मा प्रकाशित

Popular Posts